Biología Celular T’aqa (UBC) mä yatxatäwis yatichäwis ukhamarak jaqinakamp jikisiñas jach’a t’aqawa. Ciencias Funcionales utankir Medicina jach’a ulaqankir, San Andrés Jach’a Yatiqañ utankiwa.
Aka Bolivia markan yatxat uta luräwinakapax jaya markanakankir yatxat utanakan yanapt’äwiparakiniwa.
Nayïr luräwinaka
UBC sataxa waranq llätunk pätak llätunk tunk llätunkan (1999) maran yuririwa, San Andrés Jach’a Yatiqañ utankir Medicina jach’a Ulaqas, Milano Biccoca de Italia Jach’a Yatiqañ Utas ukhamarak Asociación de Lucha Contra la Leucemia Paolo Belli de Italia ukampi mä aski ayninxa.
Yatxat amuyunxa, UBC eritrocitosis patológica de altura ukas, Qullasuyunkir epidemiología de las leucemias ukas, terapia celular ukarakimpis yatiqiwa.
Yatichañ amuyunxa, bioquímica ukhamarak biología molecular pre grado yatiqawinx yaticharakiwa. Oncohematología post grado yatiqawinxa yaticharakipiniwa. Ukatsti jaqinakamp jikisiñ luräwinakax wakicht’iriwa, uka luräwinakatx Boliviankïr leucemia ñanqha usu katjaña amta wakicht’awipawa. Ukhamarak yatiñatak amuykipañatk Cáncer ñanqha usuntxata amta wakicht’awa. La UMSA Contra el Cáncer (LUCC) uka lurawinakanxa p’iqinchiripawa.
UBC sataxa taqpach Boliviankïr nayrir uñt’atasiyirïnwa, Honorable Consejo Facultativo HCF 689/2018 qillqa amtawimpi jupanakar uñt’ayiriwa. Ukatsti Honorable Consejo Universitario HCU 078/2020 qillqa amtawimpi uñt’ayarakiwa.
Amtäwi
Markasankir aski wila ñanqha usunakat yatxatäwix luraña; biología celular – molecular tuqina. Suma amuyt’an jaqinak lurir amtañ wakicht’a, ukhamarak cáncer ñanqha usut jan usuntañasatak amta wakicht’a, suma amuyt’an irnaqirinakampisa, p’iqinchir tecnologiampisa, jaya markanakan yanapt’äwirakimpisa.
Uñjäwi
Markasankir nayrir yatxatäw utäña, yatxatañatakis, yatichañatakis, yanapt’añatakisa, kamachi qillqampi kamachi iyawsäwimpi.
Jach’a amta
Yatxatäwis, suma amuyt’an jaqi yatichäwis, yanapt’äwis luräwinakax amta wakicht’aña; ukanakaxa cáncer ñanqha usutakisa wila usutakis kamachinakaxa askichir luräwinakaxa thakhinchapxiwa.

Lurañ amtanaka

• Medicina traslacional tuqinx yatxatäw amta wakicht’anaka luräña, hematología-oncohematología tuqita.
  
• Biología celular – molecular tuqit yatiqäwinak nayraqatäña, yatxatirinakatakis yatiqirinakatakisa.
  
• Yanapt’añatak luräwinakax amuyt’ayaña, cáncer ñanqha usut jark’asiñataki.